Oos Kaap

Oos Kaap: Omnibus

Vier volledige romans. Vier onvergeetlike liefdesverhale. Een reis deur die hart van die Oos-Kaap.

Welkom in Amatoluskloof, waar liefde, familie, humor en tweede kanse saamvloei tussen plaaspaaie, kronkelpaaie, voetpaaie en liefdespaaie.

Hier ontmoet jy onvergeetlike karakters wat jou sal laat lag, huil en verlief raak.

Ompad - Menay keer terug na Amatoluskloof met 'n geheim en 'n vermomming. Hanru Geldenhuys is die laaste man wat sy ooit weer wou sien. Maar soms neem liefde 'n onverwagte ompad.

Kronkelpad - Emile Geldenhuys is Suid-Afrika se geliefde renjaer met 'n gebroke hart. Wanneer Anke onverwags met 'n klein seuntjie op sy stoep verskyn, verander sy lewe vir altyd.

Liefdespad - Adri en Cornay se liefdesverhaal begin lank voor die ander. Dis 'n verhaal van hoop, moed en 'n liefde wat selfs die donkerste storms oorleef.

Voetpad - Zandri, Handré, Ewald, Lana (en Kriek) ontdek dat die pad na liefde selde reguit is. Met humor, familie, vriendskap en sy geliefde bromponie wag daar onvergeetlike avonture.

Met humor, emosie, romanse en die unieke atmosfeer van die Oos-Kaap is hierdie omnibus die perfekte bundel vir lesers wat hou van hartroerende Afrikaanse liefdesverhale.

Vier paaie. Vier liefdes. Een tuiste.