Introvert

Kahani ki shuruaat ek prasiddh businessman Rajeev Banerjee se hoti hai, jinki laash ke saath killer ke dwara chhoda gaya ek note investigating officer Abhijit ko milta hai. Is note mein ek kahani hoti hai, kisi novel ki tarah. Uska title hota hai Introvert, aur author ke naam ke jagah likha hota hai "Mr. Killer."

Shuruaat mein lagta hai ki killer ek psycho serial killer-writer hai-ek aisa writer jinki kahani na kisi publication ne publish ki, na uspar koi movie ya series bani. Frustrated hokar, duniya ke saamne apni kahani lane ke liye usne yeh tareeka adopt kiya-high-profile murders karne ke baad, apni kahani ka ek chapter laash ke paas chhod dena.

Lekin kahani sirf yahin tak nahi hai. Jab Officer Abhijit investigation shuru karta hai aur kahani aage badhti hai, toh ek ke baad ek raaz khulte jate hain. Sheher mein ek khuni khel shuru ho jata hai-jaise Instagram par live murders, auraton ki online nilami, aur famous logon ki brutal hatya.

Kya Abhijit is dangerous killer ko rokne mein kaamyab hoga? Ya fir woh khud kisi bade danger ke jaal mein fas jayega?