Presoers dera mar gelada

Sense dubte quauquarren mes enla d'ua novella d'aventures. Er autor viu e her viuer era grana aventura des sons personatges, mes non pas coma un fin, senon menjancant sensacions, pensaments, interiors e exteriors d'aqueri que la viuen e la senten, com peces d'un tot inseparable, com se toti eri auessen estat predestinats a viuer un troc de vida amassa, jenhudi, embarradi e presoers d'un junhs estranhs a ua hita ta artenher e ta complir: Pujar ua montanha. Era descripcion des ambients, deth paisatge, des personatges ei luenh d'ester ua descripcion fisica. Tot ath contrari, eth lector se i cale laguens pr'amor deth minucios detalh en explic e raconte de sensacions. Plan ben contextuada ena vision romantica deth segle XIX, prebotge en lector experiencies e sensacions contradictories e encontrades. Tan leu viatge ena mes absoluta cauma, coma s'enhon-se ena henerecla d'ua pendent, enes hinescles, es presons dera mar gelada.