Kite Ke m Pale

Jacques Pierre louvri ke l de batan nan Kite ke m pale pou l envite nou viv kouman entimite ak pwoblem sosyal pran randevou nan menm kalfou. Powet la fotografye difikilte ak kouran santiman ki travese lavi medam yo. Epi, li wete chapo li byen ba pou li salye kouraj Martin Luther King Jr, Malcolm X, ak lot lide ki pa te pe batay pou yon minorite ki pran nan cho, e yo mete nan kacho souvan poutet po yo. Pou fini, li envite nou viv de twa powem nan langaj jagon ak bolit, epi yon katafal lot ki fe yonn ak pafen lawouze nou jwenn nan bel lang nou an.Rekey powem sa a se yon envitasyon ote a fe nou tout pou nou dekouvri belte lang nou an. Nan chak grenn mo, ote a plonje ke nou nan lanme Karayib la, kote vag yo fe nanm nou tonbe nan yon ale vini jouk kouran lanmou an rale nou pou nou fe yonn ak powem yo. -Wedsly Turenne GuerrierLang nou ak kilti nou se rezilta kreyativite nou ki pran nanm nan lavi chak kretyen vivan. Se sa potorik ote Jacques Pierre fe nan rekey sa a. Pierre marinen lang nou ak kilti nou ansanm pou ofri nou yon konsonmen kreyativite ki se temwayaj riches kiltirel ak lengwistik Ayiti cheri nou an. -Marky Jean-Pierre